लर्निसखबर संवाददाता
नेपालगन्ज, २८ कात्तिक
नेपालगन्जस्थित भेरी अस्पतालको डिजास्टर वार्ड खाली भएको छ । भूकम्पमा परि यहाँ ल्याईएका अधिकांश घाइते डिस्चार्ज भएपछि डिजास्टर वार्ड खाली भएको हो । बिरामी नभएपनि यो वार्डलाई भने तयारी अवस्थामा राखिएको छ
भेरी अस्पतालमा रहेका ६ जना भूकम्पका घाइतेलाई अर्थोपेडिक वार्डमा राखिएको छ । अस्पतालमा जाजरकोट र पश्चिम रुकुमका ५८ जना भूकम्पका घाइतेलाई यस अस्पतालमा ल्याइएको थियो । त्यसमा एक जनाको मृत्यु भएको थियो । ३ जनालाई काठमाडौ रिफर गरिएको थियो भने ४८ जना डिस्चार्ज भएर घर गएका छन् ।
जिल्ला आपतकालीन कार्य संचालन केन्द्रका फोकल पर्सन नरेश श्रेष्ठले डिस्चार्ज भएका भूकम्प प्रभावितलाई खाद्यन्नसहित गाडीको व्यवस्था गरेर पठाइएको बताए । कार्तिक १७ गते जाजरकोट केन्द्रविन्दु भएर भूकम्प गएपछि भेरी अस्पताललाई घाइतेको उपचारका लागि डेडिकेटेड अस्पताल तोकिएको थियो ।
Discussion about this post