पत्रकार महिलाका लागि बाँकेमा स्टोरी लेखन कार्यशाला

लर्निसखबर
नेपालगञ्ज २९ साउन

पत्रकार महिलाका लागि लङफम स्टोरी लेखन कार्यशाला मङ्गलबारदेखि नेपालगन्जमा शुरु भएको छ । लैगिक समानता र सामाजिक समावेशीकरणका विषयका समाचार लेखनलाई प्रभावकारी र उद्धेश्यमूलक बनाउन कार्यशाला आयोजना गरिएको हो । जसमा राज्यका हरेक संरचनामा लैंगिक समानता र सामाजिक समावेशीकरणका सवाललाई स्टोरीमा रुपान्तरण गरिने छ ।

कार्यशालाको पहिलो दिन लैङ्गिक समता, समानता र सामाजिक समावेशीकरण लगायतका विषयमा विषयगत समाचार तयार गरिएको थियो छ । जसमा प्रदेश र स्थानिय तहमा रहेका लैंगिक, सामाजिक, महिला, बालबालिका स्वास्थ्य लगायत विषयमा छलफल भएको थियो ।

कार्यशालामा सहजीकरण गर्दै संचारिका समुह लुम्बिनीका उपाध्यक्ष रुपा गहतराजले समाचारलाई प्रभावकारी बनाउन खोज तथा अनुसन्धानमा ध्यान दिनुपर्ने बताईन् ।

उनले समाचारका स्रोत धेरै भए पनि विषयवस्तु पहिचान गर्न नसक्दा समाचारले सञ्चार माध्यममा प्राथमिकतामा पर्न नसकेको बताउदै समाचारलाई गुणस्तरिय र पठनयोग्य बनाउन अध्ययन जरुरी भएको रहेको बजानकारी दिईन् ।

कार्यशालामा सहजीकरण गर्दै संचारिका समूह लुम्बिनीका महासचिव मेनका चौधरिले महिलाका विषयलाई महिला र दलितका विषय दलितले मात्रै उठान गर्नुपर्छ भन्ने गलत मान्यताका कारण पनि सामाजिक विषयवस्तु ओझेलमा परेको बताईन् । उनले सबै क्षेत्रलाई सबैले आफ्नो विषय सम्झेर कलम चलाउन सके समाजले पत्याउने समाचर बन्न सक्ने बताईन् ।

युएसएआइडी नागरीक समाज र सञ्चार कार्यक्रम अन्तरगत संचारिका समुह नेपालले कार्यशाला आयोजना गरेको हो । मंगलबारदेखि सुरु भएको कार्यशाला ३ दिनसम्म चल्नेछ । संचारिका समूह लुम्बिनीले बुटवल, दाड. र नेपालगन्जमा गरी ३ स्थलमा कार्यशाला आयोजना गरेको हो । जसमा दीपक ज्ञवाली, नारायणी रजौरे, दुर्गालाल केसी, रुपा गहतराज, लगायतले सहजीकरण गर्ने छन् ।कार्यशालमा कपिलवस्तु, बांके र बर्दियाका १२ संचारकर्मी महिलाको सहभागिता रहेको छ ।